賴床

前幾日傍晚同朋友傾到一個關於賴床嘅問題。

賴床都唔使點定義。簡單啲，就係你八點鐘醒咗。咁你喺張床度又唔係好願起身，咁就典下典下，諗下諗下。。。咁搞搞下搞到九點鐘先起身。

我假設你唔係瞓得唔好嘅時候，心理時鐘同生理時鐘話畀你知你差唔多時間要起身。呢跟住落嚟要問一問，係乜嘢驅使我哋起身。。。呢其中可能會諗到嘅係急尿。

咁如果你唔係平日需要返工或者之後早好早約咗人嘅時候，根本上係冇一種外在壓力要你令到你起身。

咁到底點解你會起身我一直諗咗好耐呢個都係一個。唔知點樣去考究個問題。

你認為呢？突然間我諗返起以前讀化學。。。化學作用係一個非常有趣嘅題目。所有化學作用係非常之容易進行，唯一嘅前提係佢需要有一個好強大嘅啟動能源先至令到個作用正式開始。

同樣嘅道理，咁到底係乜嘢先至可以啟動到自己嘅起床嗰個機制呀，科學家老老實實好似都仲未有一個好好嘅答案。