80後童年回味 - Diablo 2

2000年發行，呢隻game算係Diablo 1 (1996) 嘅續集。跟住出埋expansion LoD。 隻game得到好多高度嘅評價，過咗好多年依然都係屹立不倒。當年都玩咗成五六年先至玩其他嘢。真係好值得回味。 由於我個腦實在左好多trivial嘅記憶，所以喺度我會一口氣share返一啲我比較回味嘅嘢。 Level 升呢 ​

There is no cow level

​ 基本上呢個遊戲，要升呢最快嘅方法，就係act rush 到 hell act5 開通hell cow level。基本上打幾個run就可以升好多呢。咁個角色好高級之後就可以做好多唔同其他嘢。當中最正嘅，當然就係成日可以做free rider，因為身邊總有啲好勁嘅玩家，佢哋個角色身已經好勁。佢哋幫你殺晒啲牛牛之後你就可以有好多經驗值，非常之方便快捷。

MF gear Mf 即係magic find。

其中有一樣關於mf好重要嘅裝備就係一套好嘅ms gear。 mf值就可以提高你跌到好裝備嘅機會。一般嚟講嗰時成日都會用sorceress去做呢個mf gear嘅角色。因為最多mf gear嘅裝備通常都係sor先戴到， 同埋sor嘅dps好快，仲要有瞬間轉移，做boss run (Mephy run, pindleskin) 會好容易。 經典裝備又點會唔少得呢幾樣

Shako

Shako 一定係 必需品 勁呀勁在有加2 skills，之後又有50mf，個個都like，又勁又實際，不過好難跌。 ​

Oculus

​Oculus 簡直就係每個sor嘅必需品。除非你係玩pvp隻抽咁就要death's fathom。佢嘅特別之處就係可以+3 sor skills。除此之外，仲有50mf，好難唔要。

Stone of Jordan

或者中文叫做喬丹之石，有段時期係風魔一時，變咗交易市場嘅一種貨幣。 soj 係遊戲入面最有價值嘅一隻戒指，因為佢係成個遊戲入面唯一隻戒指係+1 to all skills。加少少有幾重要，大家都係玩家，你明㗎啦，唔使多講。 Trade 呢個遊戲如果你開game，每次最多可以有八個人。當中有好多都係一啲trade platform畀唔同嘅人去交易。交易入面嘅貨物冇特別嘅共識，大部分都係，可能你嘅一啲寶物換人哋嘅一啲保物。有陣時有啲人可能好需要一樣嘢，佢會畀好多唔同嘅垃圾你，希望就純粹仔玩一樣嘢。亦都有時候，可能佢係想收好多好多嘅同一樣嘢，例如護身符(7mfsc, 100pdsc) Boss quote 呢隻game有好多配音簡直就係神配，以當年嘅音樂同埋配樂配音嚟講真係冇得彈，當中比較經典我又好鍾意既有以下呢幾句： Looking for Baal?

呢個經典。 act2 打Duriel嘅時候出場白。打過act2大概都知道 duriel係幾咁難打。因為佢有好多血。。。喺呢啲時候你嘅dps又冇咁高，係好難抽得死佢，跟住佢攻擊力又咁高，好快死左，真係好so sad。 The last of the three has fallen 呢句可能好多人唔係好記得，係sor殺死Baal之後嘅一句quote。我覺得好得意，我以前都唔知係乜，後來先知原來就係呢三兄弟Mephisto Diablo同埋Baal。 Not even death can save you from me

呢句簡直就係經典中嘅經典。當年act 4超級難玩，diablo又好難抽得死 ------ 一係比佢困住喺tp，一係就畀佢aoe火燒死咗，再唔係就畀佢啲追蹤電擊電死咗。 Music 我對古典音樂 一啲都唔熟悉，係近呢幾年先多啲發掘。 我音樂嘅根基好多時係來自己gaming。diablo2算係其中之一。 前面提及到一啲經典嘅配音，呢度就講返多少少經典嘅音樂。 咁一講到d2音樂，一定要提到佢嘅開場音樂。 事不宜遲，其實直接聽仲實際。 Act 1 Rogue Encampment

Act 1 town 唔係我特別鍾意嘅一首 l。不過因為好多事好多活動都係喺act 1發生，變相如果你開咗音樂模式嘅話你一定成日聽到呢首。幾得意，有一種幽幽暗暗嘅感覺。 Act 5 Harrogath

Act 5 Harrogath 嘅music 可能係我成個Diablo2入面最鍾意嘅一個。佢嘅轉接係我覺得咁多音樂變做得最好嘅一個。

後記 Diablo2實在有好多嘢值得回味。我上邊淨係寫咗好少嘅部分，仲有好多好多嘅嘢值得share。唔知仲有幾多人會回味呢啲嘢呢。。。。正所謂 摘去鮮花 然後種出大廈 層層疊的進化 摩天都市大放煙花 都有完結嘅一日。出嚟嘅就係Diablo3，班底同以前完全唔同，但遊戲實在冇以前嘅咁好玩。往事只能回味，大概係咁嘅意思。