考試應該點設計

我冇特登就住呢個題目去搵相關嘅資料。不過假假地人生都要考咗不下100次嘅試，點都有少少感觸，或者有少少諗法，都想分享一下。

主要係一點：應用定必要？

一樣要搞清楚嘅野，就係到底需要學嘅知識係用黎應用喺現實情況，定係一啲一定要死記到嘅嘢。

舉個例，如果你係一個醫生，你當然要記得曬可能比人睇嘅結構或者肌肉筋骨呀唔同唔同身體部分嘅組織。咁因為呢個係專業嘅一部分。咁如果考試係考人體結構圖，100條虛線叫你寫答案，都好合理呀。

咁另一種考試，就係講多少少應用情境嘅問題。以數學做例，三角形嘅面積就係底乘高除二。知但係，如果將佢擺落去一個現實嘅情況例如可能講緊係一條三角吊橋，又或者起一塊三角形嘅朱古力，到底個面積又會係幾多呢。

或者將個問題改一改，如果個三角形本身唔係直角三角形，咁又識唔識自己畫一條虛線嘅直角三角形咁佢計番呢？

考試有一種好棹忌嘅問題，就係出卷人根本分唔清到底我作為老師係想呢班學生一定要識呢種知識定係我係希望佢識得點樣去應用一個知識。

思考定背誦？